مزاکرات شروع ہو گئے۔۔۔۔۔۔۔۔۔۔۔ نائب وزیرِ اعظم و وزیرِ خارجہ اسحاق ڈار ایک روزہ دورے پر کابل پہنچ گئے۔
افغان وزارتِ خارجہ میں پاک افغان مذاکرات شروع ہو گئے۔اس موقع پر اسحاق ڈار نے کہا کہ پاکستان اپنے برادر ملک افغانستان کی ترقی و خوش حالی کا خواہاں ہے۔مذاکرات میں سیکیورٹی، تجارت، رابطوں اور عوامی تعلقات سمیت تمام امور پر بات ہو گی۔اس سے قبل نور خان ایئر بیس پر میڈیا سے بات چیت کرتے ہوئے اسحاق ڈار نے کہا تھا کہ افغانستان کے ساتھ ہمارے برادرانہ تعلقات ہیں، افغانستان ہمارا ہمسایہ ملک ہے۔
انہوں نے کہا کہ کوشش ہو گی کہ دونوں ممالک مل کر کام کریں۔دورے کے دوران اسحاق ڈار افغان عبوری وزیرِ اعظم اور نائب وزیرِ اعظم برائے اقتصادی امور سے ملاقاتیں کریں گے۔
تازہ ترین خبروں کے لیے پی این آئی کا فیس بک پیج فالو کریں
