اوورسیزپاکستانیوں کو ریپبلکن کا عمران خان کی رہائی کی یقین دہانی کروانے کا بڑا دعویٰ

اسلام آباد (پی این آئی ) رہنماء پی ٹی آئی راؤف حسن نے کہا ہے کہ اوورسیزپاکستانیوں کو ریپبلکن نے عمران خان کی رہائی کی یقین دہانی کرائی ہے، اوورسیز پاکستانیوں نے الیکشن میں ٹرمپ کی حمایت اور فنڈنگ بھی عمران خان کی رہائی کیلئے کی ہے، لیکن بانی کئی بار کہہ چکے عدالتوں سے انصاف لے کر آزاد ہوں گا ۔

انہوں نے اے آروائی نیوز کے پروگرام میں گفتگو کرتے ہوئے کہا کہ ملک میں کسی کو کوئی اچھی خبر نہیں مل رہی، جب اچھی ملتی ہے تو پھر اس کے بارے میں ہی بات ہوتی ہے، رانا ثناء اللہ ٹرمپ پر تنقید کررہے ہیں جبکہ احسن اقبال ٹویٹس ڈیلیٹ کررہے ہیں، حکومت کا ٹرمپ سے متعلق رویہ پاگل پن ہے۔پی ٹی آئی کی ترجیح عمران خان کی رہائی ہے، ٹرمپ آگیا ہے لیکن ٹرمپ ہی اسٹیک ہولڈر نہیں ہے، مجھے نہیں لگتا کہ حکومت عمران خان کی رہائی کیلئے امریکی انتظامیہ کے فون پر انکار کرسکتی ہے، کیونکہ اگر کسی حکومت کے پاس مینڈیٹ ہو تو وہ اسٹینڈ لے سکتی ہے، موجودہ حکومت چوری کئے اقتدار کے اوپر بیٹھی ہوئی ہے۔

امریکی صدر کے الیکشن میں امریکا میں پی ٹی آئی کے اوورسیز نے ٹرمپ سے عمران خان کی رہائی کیلئے یقین دہانی لی ہے، اورسیزپاکستانیوں کو ریپبلکن نے یقین دہانی بھی کرائی ہے۔ لیکن عمران خان کئی بار کہہ چکے عدالتوں سے انصاف لے کر آزاد ہوں گا ، اگر ڈیل کرنا ہوتی تو عمران خان امریکا کی بجائے اپنے لوگوں سے ڈیل کرلیتے اور 15ماہ جیل میں نہ رہتے ، باہر آجاتے۔