سبی(آئی این پی) جمہوری وطن پارٹی کی مرکزی کابینہ کا اعلان کردیا گیا مرکزی صدر نوابزادہ شاہ دین بگٹی مرکزی جنرل سیکرٹری محمد ابراہیم لہڑی منتخب ہوگئے۔ تفصیلات کے مطابق جمہوری وطن پارٹی کی نو منتخب مرکزی کابینہ کا اعلان کردیا گیا جس کے مطابق مرکزی صدر نوابزادہ شاہ زین بگٹی نائب صدر نوراللہ وطن دوست نائب صدر سیدنیازآغا نائب صدر ملک غلام رسول نائب صدرنوابز ادہ میر چاکر بگٹی نائب صدر ریاض محی الدین سیکرٹری جنرل محمد ابراہیم لہڑی ایڈوکیٹ ڈپٹی سیکرٹری جنرل غلام رسول مدنی بلوچ سیکرٹری اطلاعات و نشریات چوہدری نوید احمد فنانس سیکرٹری محمدندیم کاکڑ سیکرٹری خواتین وامور طلباء جواد ہزارہ سیکرٹری لیبر ثناء اللہ راہیجہ منتخب قرار پائے دریں اثنا جمہوری وطن پارٹی کے ضلعی آرگنائزر سابق صوبائی نائب صدر خان بشیر خان باروزئی نے نومنتخب مرکزی صدر نوابزادہ میر شاہ زین خان بگٹی جنرل سیکرٹری میر محمد ابراہیم خان لہڑی سمیت مرکزی کابینہ کو دلی مبادک باد پیش کرتے ہوئے امید ظاہر کی کہ منتخب کابینہ ملک بھر میں جمہوری وطن پارٹی کو مکمل فعال بنانے بلدیاتی وعام انتخابات میں بھر پور انداز سے حصہ لینے کے لئے اپنی صلاحیتوں کو استعمال میں لاکر جمہوری وطن پارٹی کی سابق روایات کو برقرار رکھتے ہوئے جمہوری وطن پارٹی کا مورال بلند کریں گئیں۔۔۔۔۔
تازہ ترین خبروں کے لیے پی این آئی کا فیس بک پیج فالو کریں
