لاہور (آن لائن) پاکستان مسلم لیگ (ن) کی نائب صدر اور سابق وزیراعظم نواز شریف کی صاحبزادی مریم نواز کے وکلاء نے نیب لاہور کی جانب سے جاتی امراء 15سو کینال اراضی کیس میں جاری کئے گئے نوٹس کو غیر قانونی قرار دے دیا ہے۔ بتایا گیا ہے کہ وکلاء نے اس مسئلے پر اپنی ماہرانہ رائے کا اظہار
پاکستان مسلم لیگ ن کی نائب صدر مریم نواز سے مشاورت کے دوران کیا۔ مشاورت میں مریم نواز کے دونوں وکلاء امجد پرویز اور سینیٹر اعظم نذیر تارڑ شامل تھے۔ مریم نواز نے اپنے وکلاء سے نیب کی جانب سے دائر کی گئی ضمانت منسوخی کی درخواست پر جواب دائر کرنے کے لئے مشاورت کی۔ لاہور ہائیکورٹ نے نیب لاہور کی درخواست پر مریم نواز سے جواب طلب کر رکھا ہے۔ ملاقات میں نیب لاہور کی جانب سے جاری کئے گئے حالیہ دو نوٹسز پر بھی تبادلہ خیال کیا گیا۔ مریم نواز 26 مارچ کو نیب کے طلب کر نے پر نیب آفس پیش ہونگی یا نہیں اس بات کا فیصلہ مشاورت میں کیا جائے گا۔۔۔
تازہ ترین خبروں کے لیے پی این آئی کا فیس بک پیج فالو کریں
