لاہور(پی این آئی)معاون خصوصی فردوس عاشق اعوان کاکہناہے کہ تحریک انصاف بمقابلہ آل پاکستان لوٹ مار ایسوسی ایشن سے ہے،ٹیکسٹائل انڈسٹری کی 13 سال بعد مکمل بحالی ہوئی ہے،برآمدات میں 8 سال بعد اضافہ ہوا ہے،کرنٹ اکاؤنٹ 20 سال بعدسرپلس ہوا،بھارتی سازشیں دنیا کے سامنے بے نقاب ہو گئیں،یہ ہے
تبدیلی، یہ ہے کپتان کانیا پاکستان ۔فردوس عاشق اعوان نے اپنے ٹوئٹ میں کہاہے کہ وزیراعظم کا کرپشن کیخلاف جہاد، قوم لیٹروں کی چیخیں سن رہی ہے ،گزشتہ 10 سال میں اینٹی کرپشن نے صرف43 کروڑ کی وصولی کی،پی ٹی آئی حکومت نے 27ماہ میں 206 ارب روپے ریکورکرائے۔انہوں نے کہاکہ پہلی بار وزیراعلیٰ پنجاب نے 9 سال بعدمعاہدوں پر نظرثانی کی روایت ڈالی ،کم ریٹس پر دوبارہ معاہدے کرکے اربوں روپے بچائے گئے ،میٹروبس معاہدے پر 8 سال بعد نظرثانی کی گئی ،نیا معاہدہ 368 روپے کی بجائے 213 روپے فی کلومیٹر پر کیاگیا،سولر پاور پلانٹ معاہدے پر 8 سال بعد نظرثانی کی گئی ،20 کی بجائے 2 اعشاریہ 37 امریکی سینٹ فی یونٹ بجلی پر معاہدے کئے گئے،پنجاب میں 74 سال بعد181 ارب روپے مالیت کی زمین واگزارکرائی۔ جمہوریت اور احتساب لازم و ملزوم،لٹیروں کی چیخیں نکل رہی ہیں، ڈاکٹرفردوس عاشق اعوان کی تنقید وزیراعلی پنجاب کی معاون خصوصی برائے اطلاعات ڈاکٹر فردوس عاشق اعوان نے کہا ہے کہ جمہوریت اور احتساب لازم و ملزوم ہیں احتساب سے فرار کی کوشش کرنے والے واویلا کر رہے ہیں اور ان کی چیخیں نکل رہی ہیں لیکن قومی دولت ہڑپ کرنے والوں کو کسی صورت نجات نہیں ملے گی۔ناجائز اثاثوں کا ہمالیہ کھڑا کرنے والوں کو اپنے کئے کیلئے جواب دہ ہونا پڑے گا ـان خیالات کا اظہار انہوں نے سیالکوٹ میں سندس فاؤنڈیشن کی تقریب سے خطاب کرتے ہوئے کیاـ انہوں نے کہا کہ کشمالہ طارق کے اکاؤنٹ میں 12کروڑ روپے جمع کرانے والے خواجہ آصف کی معصومیت ایک دوسرا خواجہ ثابت کررہا ہے
جو لوہے کے چنے چبانے کا چیلنج دیتا تھا لیکن لگتا ہے اب اس کا اپنا بھی سافٹ ویئر اپ ڈیٹ ہوگیا ہےـ انہوں نے کہا کہ آج شریف فیملی کے کچھ گھریلو ملازم سیالکوٹ کے سب سے بڑے ٹھگ سے اظہار یکجہتی کرنے آئے جبکہ بڑا سیالکوٹی ٹھگ تو لاہور جیل میں ہے ـڈاکٹر فردوس عاشق اعوان نے کہا کہ پاکستان میں لوٹ مار کا بازار گرم کرنیوالے بیرون ملک دولت کے انبار لگانے اور رہائشی کالونیوں کی آڑ میں اربوں روپے کے اثاثے جمع کرنے والے کے منہ سے پاکستان کی ہمدردی کا ذکر سن کے ہنسی آتی ہے خواجہ صاحب آپ کی حکومت اور موجودہ حکومت میں بنیادی فرق یہ ہے کہ آپ جیسے کرپٹ فراڈیے اور جعلی حکمرانوں کی جگہ ایک دیانتدار اور شریف آدمی حکمران ہے۔سندس فاؤنڈیشن کی شاندار خدمات پر منتظمین کو مبارکباد پیش
کرتے ہوئے کہا کہ انسانیت کے لیے ان کی خدمات قابل ستائش ہیں وہ زمانہ طالب علمی سے ہی اس ادارے سے وابستہ ہیں اور اس کار خیر کو مزید پھیلانے کے لیے ہر ممکن تعاون کریں گیـ انہوں نے تعاون کرنے والے مخیر افراد کے جذبے کو بھی سراہا اور کہا کہ اللہ کے بندوں کے لئے آسانیاں پیدا کرنا اور اپنا مال صرف کرنا انسانیت کی سب سے بڑی خدمت ہےـ
تازہ ترین خبروں کے لیے پی این آئی کا فیس بک پیج فالو کریں
