مسافر طیارہ گر کر تباہ، بڑانقصان

انڈونیشیا میں ایک چھوٹا مسافر طیارہ گر کر تباہ ہو گیا ہے جس کے نتیجے میں طیارے میں سوار تمام 11 افراد ہلاک ہو گئے ہیں۔ انڈونیشیا ایئر ٹرانسپورٹ کا علاقائی طیارہ اے آر ٹی 42-500 آج صبح حادثے کا شکار ہوا، جس میں 3 مسافر اور عملے کے 8 ارکان سوار تھے۔ رپورٹ کے مطابق یہ طیارہ یوگیا کارتا سے جنوبی سولاویسی کے شہر مکاسر کے لیے روانہ ہوا تھا، تاہم اپنی منزل سے تقریباً 12 میل پہلے ایئرپورٹ کے علاقے میں اس کا ایئر ٹریفک کنٹرول سے رابطہ منقطع ہو گیا۔ اس افسوسناک واقعے کے ساتھ ہی ملک کے مختلف حصوں میں موٹرویز کی بندش کی اطلاعات بھی موصول ہوئی ہیں۔

ابتدائی اطلاعات کے مطابق طیارے کے ملبے کے آثار ماروس ضلع کے پہاڑی علاقے لیانگ لیانگ میں دیکھے گئے ہیں۔ حادثے کی اطلاع ملتے ہی سرچ اینڈ ریسکیو ٹیمیں فوری طور پر جائے وقوعہ کی طرف روانہ کر دی گئی ہیں، جہاں 60 اہلکار اور ماہرین بچاؤ کے کاموں اور ملبے کی تلاش میں مصروف ہیں۔ اسی دوران کھیلوں کی دنیا سے یہ خبر سامنے آئی ہے کہ بنگلادیش نے ٹی ٹوئنٹی ورلڈ کپ کے لیے اپنی ٹیم بھارت نہ بھیجنے کے فیصلے پر قائم رہنے کا اعلان کیا ہے۔

انڈونیشیا کی ایوی ایشن کے ڈائریکٹر نے حادثے کی تفصیلات بتاتے ہوئے کہا کہ طیارہ اپنی مقررہ سمت اور اپروچ پر نہیں تھا، جس پر ایئر ٹریفک کنٹرول نے اسے درست راستے پر لانے کے لیے ہدایات جاری کیں لیکن اسی دوران رابطہ منقطع ہو گیا اور فوری طور پر ایمرجنسی کا اعلان کر دیا گیا۔ حکام کی جانب سے حادثے کی وجوہات جاننے کے لیے تحقیقات کا آغاز کر دیا گیا ہے۔