سوڈان کے شہر العبید میں ایک گھر پر ہونے والے ڈرون حملے نے علاقے کو سوگ میں ڈبو دیا۔
غیر ملکی میڈیا رپورٹس کے مطابق اس حملے میں بچوں سمیت 13 افراد جان سے ہاتھ دھو بیٹھے، جن میں 8 بچے شامل تھے۔ ہلاک ہونے والوں میں سے زیادہ تر کا تعلق ایک ہی خاندان سے بتایا جا رہا ہے۔ رپورٹس کے مطابق یہ ڈرون حملہ نیم فوجی ریپڈ سپورٹ فورسز (RSF) کی جانب سے ایسے علاقے میں کیا گیا جو اس وقت سوڈانی فوج کے کنٹرول میں تھا۔ تاہم تاحال کسی گروپ نے اس حملے کی باضابطہ ذمہ داری قبول نہیں کی۔
واضح رہے کہ سوڈان میں فوج اور ریپڈ سپورٹ فورسز کے درمیان کشیدگی گزشتہ کئی برسوں سے جاری ہے، جس کے نتیجے میں اب تک ہزاروں شہری جانیں گنوا چکے ہیں اور ملک شدید انسانی بحران کا شکار ہو چکا ہے۔
تازہ ترین خبروں کے لیے پی این آئی کا فیس بک پیج فالو کریں
