یمن کے معروف قرآن کے معلم اور عالمِ دین، شیخ ڈاکٹر علی محمد الثنانی، قرآن کی تعلیم دیتے ہوئے اچانک دنیا سے رخصت ہوگئے۔
سوشل میڈیا پر وائرل ہونے والی ویڈیو میں دیکھا جا سکتا ہے کہ یمنی عالمِ دین صوبہ مأرب کے نورہ مسجد میں ایک طالب علم کی تلاوت غور سے سن رہے ہیں۔ اچانک ان کی آنکھیں بند ہو جاتی ہیں اور وہ کرسی سے نیچے گر جاتے ہیں۔ غیر ملکی میڈیا کے مطابق، مرحوم شیخ ڈاکٹر علی الثنانی رمَیلہ کے علاقے میں حافظِ قرآن کی نگرانی بھی کر رہے تھے۔ ان کے ہاتھ میں قرآنِ مجید موجود تھا اور وہ معمول کے مطابق درس و تدریس میں مصروف تھے کہ اسی دوران ان کا انتقال ہو گیا۔
شیخ ڈاکٹر علی الثنانی نے اعلیٰ تعلیمی رتبے کے ساتھ پی ایچ ڈی کی ڈگری بھی حاصل کی تھی اور وہ اپنے علمی خدمات اور قرآن کی تعلیم کے لیے مشہور تھے۔
تازہ ترین خبروں کے لیے پی این آئی کا فیس بک پیج فالو کریں
