مشہور امریکی کامیڈی اداکار پیٹ فن 60 برس کی عمر میں انتقال کر گئے۔
امریکی ویب سائٹ کے مطابق پیٹ فن طویل عرصے سے کینسر کے مرض میں مبتلا تھے۔ برطانوی اخبار دی مرر کی رپورٹ کے مطابق انہیں 2022 میں کینسر کے خلاف جدوجہد کے بعد عارضی طور پر صحت یاب قرار دیا گیا تھا، تاہم بعد ازاں بیماری دوبارہ لاحق ہوگئی اور جسم کے دیگر حصوں تک پھیل گئی۔
پیٹ فن کو خاص طور پر اے بی سی کے مقبول سٹ کام دی مڈل میں بل نورووڈ کے کردار کے باعث شہرت ملی، جو انہوں نے 2011 سے 2018 تک ادا کیا۔ اس کردار نے انہیں ناظرین میں خاص پہچان دلائی۔
انہوں نے مرفی براؤن، سین فیلڈ اور دیگر معروف ٹی وی شوز میں بھی اپنی اداکاری کے جوہر دکھائے۔ سال 2000 میں انہوں نے فرینڈز کی دو اقساط میں مونیکا کے بوائے فرینڈ ڈاکٹر راجر کا کردار نبھایا، جسے ناظرین آج بھی یاد کرتے ہیں۔
تازہ ترین خبروں کے لیے پی این آئی کا فیس بک پیج فالو کریں
