میکسیکو کی بحریہ کا ایک چھوٹا طیارہ امریکی ریاست ٹیکساس میں ساحلی علاقے کے قریب گر کر تباہ ہو گیا، حادثے کے نتیجے میں ایک بچے سمیت 5 افراد ہلاک ہو گئے۔
امریکی میڈیا کے مطابق طیارہ ایک مریض اور سات دیگر افراد کو ہیوسٹن ایئرپورٹ لے جا رہا تھا کہ گیلوِسٹن بے میں گر کر تباہ ہو گیا۔ امریکی کوسٹ گارڈ کے ایک اہلکار نے غیر ملکی میڈیا کو بتایا کہ یہ حادثہ گزشتہ رات پیش آیا، جبکہ ایک مسافر تاحال لاپتہ ہے۔
ابتدائی طور پر امریکی کوسٹ گارڈ نے دعویٰ کیا تھا کہ 4 افراد کو زندہ نکال لیا گیا ہے، تاہم بعد میں وضاحت کی گئی کہ ان میں سے 2 افراد زخموں کی تاب نہ لاتے ہوئے جانبر نہ ہو سکے۔
دوسری جانب میکسیکو کی بحریہ نے اپنے بیان میں تصدیق کی ہے کہ طیارے میں مجموعی طور پر 8 افراد سوار تھے، جن میں 4 بحریہ کے عملے کے ارکان اور 4 شہری شامل تھے۔
تازہ ترین خبروں کے لیے پی این آئی کا فیس بک پیج فالو کریں
