متحدہ عرب امارات نے نئے سال 2026 کی آمد پر وفاقی حکومت کے لیے چھٹی کا اعلان کر دیا ہے۔ وفاقی اتھارٹی برائے سرکاری انسانی وسائل کے مطابق نئے سال کا دن، یکم جنوری 2026، چھٹی ہوگی جبکہ جمعہ 2 جنوری 2026 کو وفاقی حکومت کے ملازمین کے لیے کام کا دن مقرر کیا گیا ہے۔
خلیجی میڈیا کے مطابق متحدہ عرب امارات میں نمازِ جمعہ اور خطبہ کے اوقات میں بھی تبدیلی کی گئی ہے۔ اسلامی امور، اوقاف اور زکوٰۃ کی جنرل اتھارٹی کے اعلان کے مطابق جمعہ کے خطبہ اور نماز کے نئے اوقات جمعہ 2 جنوری 2026 سے نافذ ہوں گے۔ نئے شیڈول کے تحت جمعہ کا خطبہ اور دعا 12 بجکر 45 منٹ پر ہوگی۔ اتھارٹی نے نمازیوں سے درخواست کی ہے کہ وہ وقت پر مساجد پہنچیں تاکہ خطبہ سے محروم نہ ہوں اور کامل ثواب حاصل کر سکیں۔
تازہ ترین خبروں کے لیے پی این آئی کا فیس بک پیج فالو کریں
