یونان میں تارکینِ وطن سے بھری ایک اور کشتی خوفناک حادثے کا شکار ہو گئی، جہاں جزیرۂ کریٹ کے جنوب مشرقی ساحل کے قریب ربڑ کی کشتی الٹنے سے 18 افراد جان سے ہاتھ دھو بیٹھے جبکہ دو افراد کو زندہ بچا لیا گیا۔
جزیرے کریٹ کے قریب ہفتے کے روز پیش آنے والے اس حادثے میں کشتی میں سوار کم از کم 20 تارکینِ وطن سمندر میں جا گرے۔ حکام نے 18 افراد کی ہلاکت کی تصدیق کر دی ہے۔
جزیرہ کریسی کے جنوب میں گزرنے والے ایک ترک تجارتی جہاز نے حادثہ دیکھا اور فوری طور پر متعلقہ اداروں کو اطلاع دی۔
ریسکیو ٹیموں نے دو افراد کو زندہ حالت میں نکال کر طبی امداد فراہم کی، جبکہ ایک جہاز، ایک طیارہ، ایک ہیلی کاپٹر اور تین تجارتی بحری جہاز لاشوں اور ممکنہ زندہ بچ جانے والوں کی تلاش میں مصروف ہیں۔
حکام کے مطابق لاشوں کو سرد خانے منتقل کیا جا رہا ہے جہاں شناخت کا عمل مکمل کیا جائے گا، جبکہ ابتدائی اطلاعات کے مطابق کشتی شمالی افریقہ سے آ کر یونانی سمندری حدود میں داخل ہوئی تھی۔
حادثے کے بعد علاقے میں سیکیورٹی اور سرچ آپریشن مزید تیز کر دیا گیا ہے۔
تازہ ترین خبروں کے لیے پی این آئی کا فیس بک پیج فالو کریں
