انگلینڈ میں بدھ اور جمعرات کی درمیانی رات آنے والے زلزلے نے مقامی آبادی کو تشویش میں مبتلا کر دیا۔ غیر ملکی میڈیا کے مطابق زلزلہ رات 11 بج کر 23 منٹ پر لنکاشائر میں تقریباً تین کلومیٹر کی گہرائی میں ریکارڈ کیا گیا۔
جھٹکے ساؤتھ لیکس، لنکاشائر، کینڈل اور الورفسٹن سمیت تقریباً 20 کلو میٹر کے علاقے میں محسوس کیے گئے، جب کہ ایک ہزار سے زائد افراد نے لرزش کو واضح طور پر محسوس کرنے کی اطلاع دی۔ برٹش جیولوجیکل سوسائٹی کے مطابق زلزلے کی شدت 3.3 تھی، تاہم کچھ رپورٹس میں اسے 3.4 درج کیا گیا ہے۔ یہ گزشتہ 24 گھنٹوں کے دوران برطانیہ میں آنے والا دوسرا زلزلہ ہے۔ حکام نے بتایا ہے کہ اس سطح کا زلزلہ عام طور پر نقصان کا باعث نہیں بنتا، تاہم شہریوں کو صورتحال پر نظر رکھنے اور احتیاطی تدابیر اختیار کرنے کی ہدایت کی گئی ہے۔
تازہ ترین خبروں کے لیے پی این آئی کا فیس بک پیج فالو کریں
