پاکستان اور ترکیہ کے درمیان توانائی کے شعبے میں بڑا معاہدہ طے پا گیا ہے۔ تفصیلات کے مطابق دونوں ممالک نے توانائی شراکت داری کو مضبوط بنانے کے لیے ترک پیٹرولیم اوورسیز کمپنی (ٹی پی او سی) کے ساتھ پانچ تیل کنسیشن معاہدوں پر دستخط کیے ہیں جن میں تین آف شور اور دو آن شور بلاکس شامل ہیں۔
ان معاہدوں کے ذریعے مجموعی طور پر 300 ملین امریکی ڈالر کی سرمایہ کاری متوقع ہے۔ اس پیش رفت سے ٹی پی او سی باضابطہ طور پر پاکستان کے تیل اور گیس کی تلاش کے شعبے میں داخل ہو رہی ہے جہاں وہ ملک کی معروف ای اینڈ پی کمپنیوں کے ساتھ مل کر کام کرے گی۔
دستخط کی تقریب وزیراعظم کے دفتر میں منعقد ہوئی جس میں وزیراعظم شہباز شریف اور ترک وزیر توانائی و قدرتی وسائل الپارسلان بایراکتار بھی موجود تھے۔ تقریب دو طرفہ توانائی تعاون کے میدان میں ایک اہم سنگ میل قرار دی جا رہی ہے۔
تقریب میں تیل اور بجلی کے وزراء سمیت اعلیٰ حکومتی حکام نے بھی شرکت کی۔
تازہ ترین خبروں کے لیے پی این آئی کا فیس بک پیج فالو کریں
