بنگلہ دیش کے دارالحکومت ڈھاکہ میں ایک بار پھر زلزلے کے جھٹکے محسوس کیے گئے۔ زلزلہ پیما مرکز کے مطابق پہلے زلزلے کی شدت ریکٹر اسکیل پر 3.7 ریکارڈ کی گئی، جبکہ دوسرے زلزلے کی شدت 4.3 تھی۔
گزشتہ روز 5.7 شدت کے زلزلے نے تباہی مچا دی تھی، جس میں ہلاکتوں کی تعداد دس تک پہنچ گئی ہے، جبکہ تین سو سے زائد افراد زخمی ہوئے ہیں۔ اس کے علاوہ متعدد عمارتوں میں دراڑیں بھی پڑ گئی ہیں۔
شدید زلزلے اور مسلسل آفٹر شاکس کے بعد ڈھاکا یونیورسٹی نے فوری طور پر پندرہ روز کے لیے تعلیمی سرگرمیاں معطل کرنے کا اعلان کر دیا ہے۔
اس دوران تمام کلاسیں اور امتحانات چھ دسمبر تک بند رہیں گے۔ یہ فیصلہ ہفتے کے روز وائس چانسلر پروفیسر نیاز احمد خان کی زیر صدارت یونیورسٹی کی سنڈیکیٹ کے ہنگامی ورچوئل اجلاس میں کیا گیا۔
ماہرین نے مشورہ دیا ہے کہ مکمل معائنے اور ضروری مرمت کے لیے تمام ہاسٹلز کو خالی کرایا جائے۔
تازہ ترین خبروں کے لیے پی این آئی کا فیس بک پیج فالو کریں
