عالمی سائبر سکیورٹی کمپنی کیسپرسکی نے آن لائن شاپنگ کرنے والوں کے لیے خطرے کی وارننگ جاری کی ہے۔
کمپنی کے مطابق 11.11 سیل کے دوران سائبر جرائم میں اضافہ ہوا ہے اور 2025 میں نئے سائبر حملے آن لائن خریداروں کو نشانہ بنا رہے ہیں۔ جعلی ویب سائٹس مشہور ای کامرس پلیٹ فارمز جیسے ایمیزون اور لازادا کا روپ دھار کر صارفین سے ادائیگی کی مکمل تفصیلات حاصل کرتی ہیں اور بعد میں نہ تو آرڈر بھیجتی ہیں اور نہ ہی رقم واپس کرتی ہیں، جس کے نتیجے میں متاثرین کے بینک اکاؤنٹس خالی ہو جاتے ہیں۔
کیشپرسکی کی سینئر آفیسر اولگا التوخووَا کے مطابق بڑے سیل ایونٹس کے دوران لوگ کم قیمت میں سامان حاصل کرنے کی جلدی میں دھوکے بازوں کا آسان شکار بن جاتے ہیں۔ صارفین کو مشورہ دیا گیا ہے کہ ادائیگی کی معلومات درج کرنے سے پہلے ویب سائٹ کی اصلیت اور ای میل بھیجنے والے کی تصدیق کریں اور کسی نامعلوم لنک یا اشتہار پر کلک نہ کریں۔
انہوں نے مزید کہا کہ آن لائن شاپنگ کے لیے الگ بینک کارڈ استعمال کیا جائے، مشکوک ویب سائٹ پر معلومات درج کرنے کی صورت میں فوراً بینک سے رابطہ کریں، اپنی آن لائن بینکنگ اسٹیٹمنٹس باقاعدگی سے چیک کریں، نئے یا غیر تصدیق شدہ اسٹورز سے خریداری سے پہلے ریویوز اور ریٹنگز دیکھیں، ویب سائٹ کے ایڈریس میں معمولی غلطیوں پر دھیان دیں اور اپنے تمام آلات پر جدید سکیورٹی سافٹ ویئر انسٹال رکھیں تاکہ فشنگ اور جعلی شاپنگ سائٹس کے بڑھتے خطرات سے محفوظ رہا جا سکے۔
تازہ ترین خبروں کے لیے پی این آئی کا فیس بک پیج فالو کریں
