سمندری طوفان ملیسا جمیکا میں تباہی مچانے کے بعد کیوبا کے مشرقی ساحل سے ٹکرا گیا۔
امریکی نیشنل ہریکین سینٹر کے مطابق طوفان کی شدت میں کمی آ گئی ہے اور یہ اب کیٹگری 3 میں داخل ہوچکا ہے۔ رپورٹس کے مطابق طوفانی ہواؤں کی رفتار 120 میل فی گھنٹہ ریکارڈ کی گئی، جبکہ کیوبا میں تقریباً 5 لاکھ افراد کو محفوظ مقامات پر منتقل کر دیا گیا ہے۔ خبر ایجنسی کے مطابق بہاماس کے جنوبی علاقوں میں بھی لوگوں کے انخلا کے احکامات جاری کیے گئے ہیں۔
جمیکا میں طوفان کے باعث سینٹ الزبتھ کا علاقہ مکمل طور پر زیرِ آب آ گیا، اور 5 لاکھ سے زائد افراد بجلی سے محروم ہوگئے۔ اسپتالوں اور رہائشی عمارتوں کو بھی شدید نقصان پہنچا ہے۔دوسری جانب، ہیٹی اور ڈومینیکن ریپبلک میں طوفان سے جڑی موسلادھار بارشوں کے نتیجے میں 4 افراد ہلاک ہوگئے ہیں۔
تازہ ترین خبروں کے لیے پی این آئی کا فیس بک پیج فالو کریں
