بھارت کی ریاست آندھرا پردیش میں ایک افسوسناک ٹریفک حادثے کے دوران موٹرسائیکل سے ٹکرانے کے بعد بس میں آگ لگ گئی، جس کے نتیجے میں 20 مسافر جاں بحق ہوگئے۔
بھارتی میڈیا کے مطابق حادثہ اس وقت پیش آیا جب حیدرآباد سے بینگلورو جانے والی بس ہائی وے پر سفر کے دوران ایک موٹرسائیکل سے ٹکرا گئی۔ مقامی حکام کے مطابق تصادم کے بعد بس موٹرسائیکل کو کچھ فاصلے تک گھسیٹتی رہی، جس سے پیٹرول لیک ہونے اور چنگاریوں کے باعث آگ بھڑک اٹھی جو بس کے فیول ٹینک تک پہنچ گئی۔
آگ نے دیکھتے ہی دیکھتے پوری بس کو اپنی لپیٹ میں لے لیا، جس کے باعث 20 افراد موقع پر ہی جھلس کر ہلاک ہوگئے، جبکہ بس مکمل طور پر جل کر راکھ کا ڈھیر بن گئی۔
حکام کے مطابق بس میں کل 41 مسافر سوار تھے جن میں سے 21 کو زندہ بچا لیا گیا۔ زخمیوں کو اسپتال منتقل کر دیا گیا ہے جہاں کچھ کی حالت تشویشناک بتائی جاتی ہے۔
تازہ ترین خبروں کے لیے پی این آئی کا فیس بک پیج فالو کریں
