یوگنڈا میں خطرناک انداز میں اوور ٹیکنگ کے باعث متعدد گاڑیوں کے درمیان تصادم سے 63 افراد جاں بحق اور متعدد زخمی ہو گئے۔
غیر ملکی خبر ایجنسی کے مطابق یہ افسوسناک حادثہ کمپالا گلو ہائی وے پر کتالیبے گاؤں کے قریب پیش آیا، جہاں چار تیز رفتار گاڑیاں آپس میں ٹکرا گئیں۔
ٹریفک پولیس حکام کے مطابق ابتدائی تحقیقات میں یہ بات سامنے آئی ہے کہ ہائی وے پر مخالف سمتوں سے آنے والی دو بسوں نے اوور ٹیک کی کوشش کی، جس کے نتیجے میں یہ خوفناک حادثہ پیش آیا۔
پولیس نے اسے حالیہ برسوں کا بدترین ٹریفک حادثہ قرار دیتے ہوئے ڈرائیورز کو خطرناک اوور ٹیکنگ سے گریز کی ہدایت کی ہے۔
حکام کا کہنا ہے کہ جاں بحق ہونے والوں کی لاشیں قریبی اسپتال منتقل کر دی گئی ہیں جبکہ واقعے کی تحقیقات جاری ہیں۔
تازہ ترین خبروں کے لیے پی این آئی کا فیس بک پیج فالو کریں
