امریکا نے چین سے روابط رکھنے والے بعض امریکی شہریوں پر ویزا پابندیاں عائد کر دی ہیں۔ امریکی وزیر خارجہ مارکو روبیو نے اعلان کیا کہ چینی کمیونسٹ پارٹی کی نمائندگی کرنے والے افراد اب امریکی ویزے کے اہل نہیں ہوں گے۔
روبیو کا کہنا تھا کہ جو بھی چین کے مفادات کے لیے کام کرے گا، اسے امریکا میں داخلے کی اجازت نہیں دی جائے گی۔ یہ اقدام ایسے وقت میں سامنے آیا جب امریکی صدر ڈونلڈ ٹرمپ نے دوسری جنگ عظیم میں چین کی جاپان پر فتح کی یادگاری تقریب میں روسی صدر ولادیمیر پیوٹن اور شمالی کوریا کے رہنما کم جونگ اُن کی شرکت پر چین کو شدید تنقید کا نشانہ بنایا۔
ٹرمپ کا کہنا تھا کہ چین کے صدر کو امریکا کی جانب سے دی گئی مدد کا اعتراف کرنا چاہیے تھا، نہ کہ امریکا کے خلاف سازش کے تاثر کو جنم دینا۔ تاہم چین نے ان الزامات کو مسترد کرتے ہوئے کہا کہ تقریب میں روس اور شمالی کوریا کے رہنماؤں کو مدعو کرنا امریکا کے خلاف کسی سازش کا حصہ نہیں ہے۔
تازہ ترین خبروں کے لیے پی این آئی کا فیس بک پیج فالو کریں
