امریکا کے صدر ڈونلڈ ٹرمپ نے روس یوکرین تنازع کے حل پر گفتگو کے لیے روسی صدر ولادیمیر پیوٹن سے الاسکا میں ملاقات کے بعد یوکرین کے صدر ولودومیر زیلنسکی کو بھی اپنے دفتر بلا لیا۔
ٹرمپ کا کہنا ہے کہ یوکرینی صدر پیر کو اوول آفس آئیں گے، اگر ملاقات مثبت رہی تو روسی صدر پیوٹن کے ساتھ دوبارہ ملاقات کا وقت طے کیا جائے گا۔ امریکی صدر نے کہا کہ روس یوکرین جنگ کا خاتمہ صرف براہِ راست امن معاہدے سے ممکن ہے، عارضی جنگ بندی اس مسئلے کا حل نہیں۔ یاد رہے کہ ٹرمپ اور پیوٹن کی الاسکا کے جوائنٹ بیس ایلمینڈورف-رچرڈسن (JBER) میں تقریباً چار گھنٹے طویل ملاقات ہوئی تھی، جسے دونوں رہنماؤں نے تعمیری قرار دیا۔ ملاقات کے بعد ٹرمپ نے یوکرینی صدر زیلنسکی سے ٹیلیفون پر بھی گفتگو کی تھی۔
تازہ ترین خبروں کے لیے پی این آئی کا فیس بک پیج فالو کریں
