مکہ مکرمہ: مسجد الحرام کے امام اور خطیب شیخ یاسر الدوسری نے خطبہ جمعہ میں مسلمانوں پر زور دیا کہ وہ سوشل میڈیا پر خبریں شیئر کرنے سے پہلے ان کی تصدیق کریں اور جعلی یا خریدے گئے اکاؤنٹس کے مواد سے اجتناب کریں جو جھوٹے فتوے اور من گھڑت بیانات پھیلاتے ہیں۔
شیخ یاسر الدوسری نے خبردار کیا کہ ایسے اکاؤنٹس جان بوجھ کر غلط معلومات پھیلاتے ہیں تاکہ شخصیات کی ساکھ خراب کی جا سکے اور معاشرے میں تفریق پیدا ہو۔انہوں نے کہا کہ ہر فرد جو کچھ آن لائن شائع کرتا ہے یا اسے شیئر کرتا ہے وہ اس کے بارے میں اللہ کے سامنے جوابدہ ہے۔ قرآن کہتا ہے کہ جب تمہارے پاس کوئی اطلاع آئے تو اچھی طرح تحقیق کر لیا کرو، جنرل عاصم منیرامام کعبہ نے خبردار کیا کہ ٹیکنالوجی کا غلط استعمال خطرناک نتائج پیدا کر رہا ہے، ان کا کہنا تھا کہ اسمارٹ فونز کچھ لوگوں کے لیے رابطے کا ذریعہ بننے کے بجائے تنہائی کا سبب بن چکے ہیں۔انہوں نے کہا کہ سوشل میڈیا آج جھوٹی زندگیوں اور غیر منصفانہ تقابل کا اسٹیج بن چکا ہے جو حسد، کدورت اور ناشکری کو جنم دیتا ہے۔شیخ الدوسری نے ان جعلی اکاؤنٹس کو تنقید کا نشانہ بنایا جو ایک منظم مہم کے تحت علما کی طرف جھوٹے فتوے منسوب کرتے ہیں۔
تازہ ترین خبروں کے لیے پی این آئی کا فیس بک پیج فالو کریں
