امریکا نے شہریت حاصل کرنے کے خواہشمند افراد کے لیے قوانین مزید سخت کر دیے ہیں۔ غیر ملکی میڈیا رپورٹس کے مطابق یو ایس سٹیزن شپ اینڈ امیگریشن سروسز (USCIS) نے فیملی پر مبنی امیگرنٹ ویزا، خاص طور پر شادی کی بنیاد پر دائر درخواستوں کی جانچ پڑتال سخت کرنے کے لیے نئی ہدایات جاری کی ہیں۔
نئی پالیسی کے تحت اگر کوئی امریکی شہری اپنے غیر ملکی شریک حیات کو اسپانسر کرنا چاہے تو انہیں اپنے رشتے کو ثابت کرنے کے لیے مزید ٹھوس اور قابلِ بھروسا ثبوت فراہم کرنا ہوں گے۔ ان میں مشترکہ مالیاتی ریکارڈ، مشترکہ تصاویر، اور دوستوں یا اہل خانہ سے کی گئی خط و کتابت شامل ہو سکتی ہے۔
ان اقدامات کا مقصد امیگریشن میں دھوکا دہی کی روک تھام اور یہ یقینی بنانا ہے کہ صرف حقیقی اور مستند جوڑوں کو ہی گرین کارڈ کے لیے منظوری دی جائے۔ میڈیا رپورٹس کے مطابق یہ نئی ہدایات یکم اگست سے نافذ العمل ہو چکی ہیں، اور یہ تمام زیر التواء اور مستقبل کی درخواستوں پر لاگو ہوں گی۔
تازہ ترین خبروں کے لیے پی این آئی کا فیس بک پیج فالو کریں
