سابق کورین گلوکاری ٹیئل کو جنسی زیادتی کیس میں ساڑھے تین سال قید کی سزا سُنا دی گئی۔
کوریا کی نیوز ایجنسی کے مطابق سیئول کی ایک عدالت نے کے پاپ بوائے بینڈ این سی ٹی کے سابق رکن ٹیئل کو اجتماعی زیادتی کے مقدمے میں ساڑھے تین سال قید کی سزا سنائی ہے جس کے بعد 31 سالہ ٹیئل کوفوری طور پر حراست میں لے لیا گیا۔
عدالت نے ان کے ساتھ شریک جرم دو دیگر افراد کو بھی سزا دیتے ہوئے انہیں بھی گرفتار کرنے کا حکم دیا،ان تینوں افرادپرگزشتہ سال جون میں سیول میں ایک غیر ملکی خاتون کو نشے کی حالت میں اجتماعی جنسی زیادتی کا نشانہ بنانے کاالزام ہے۔
عدالت نے ملزمان کو 40 گھنٹوں پر مشتمل جنسی جرائم سے متعلق اصلاحی پروگرام مکمل کرنے کا بھی حکم دیتے ہوئے قرار دیا کہ یہ جرم نہایت سنگین نوعیت کا ہے کیونکہ متاثرہ خاتون نشے میں تھی اور مزاحمت کے قابل نہ تھی
یاد رہے کہ ٹیئل کو گزشتہ سال اگست میں پولیس کی تحقیقات کے بعد مشہور کورین کے پاپ بینڈ این سی ٹی سے نکال دیا گیا تھا، پراسیکیوٹرز نے اس مقدمے میں سات سال قید کی سزا کا مطالبہ کیا تھا۔
تازہ ترین خبروں کے لیے پی این آئی کا فیس بک پیج فالو کریں
