بھارتی دارالحکومت نئی دہلی کے مضافات میں رہائشی عمارت گرنے کے نتیجے میں ایک ہی خاندان کے 11 افراد ہلاک ہو گئے۔
خبر رساں ادارے اے ایف پی کے مطابق یہ واقعہ ہفتے کے روز صبح سویرے دہلی کے شمال مشرقی ضلع میں پیش آیا جہاں زیادہ تر مہاجر مزدور رہتے ہیں۔
غیر ملکی میڈیا کے مطابق مرنے والوں میں تین بچے بھی شامل ہیں ۔ رہائشی عمارت غیر قانونی طور پر تعمیر کی گئی تھی۔
بھارت کے وزیر اعظم نریندر مودی نے واقعے پر افسوس کا اظہار کرتے ہوئے کہا ہے کہ وہ جانوں کے ضیاع پر غمزدہ ہیں۔ ان کا کہنا تھا کہ زخمیوں کے جلد صحت یاب ہونے کی دعا کرتا ہوں۔
تازہ ترین خبروں کے لیے پی این آئی کا فیس بک پیج فالو کریں
