بھارت کی ریاست گجرات کے مہسانہ ضلع میں پیر کی شام ایک تربیتی طیارہ کھیتوں میں گر کر تباہ ہوگیا، حادثہ کے نتیجے میں خاتون ٹرینی پائلٹ زخمی ہو گئیں۔
بھارتی میڈیا کے مطابق حادثے میں زخمی ٹرینی پائلٹ کو طبی امداد کیلئے ہسپتال منتقل کردیا گیا ہے، ہسپتال انتظامیہ کے مطابق خاتون پائلٹ کی حالت خطرے سے باہر ہے،مہسانہ تعلقہ پولیس اسٹیشن کے انسپکٹر ڈی جی بدوا کے مطابق سنگل انجن والا طیارہ تکنیکی وجوہات کی بنا پر مہسانہ شہر کے قریب اُچارپی گاؤں میں گر کر تباہ ہوگیا۔ مہسانہ ٹاؤن پولیس کے مطابق یہ واقعہ شام 7 بجے کے قریب پیش آیا تھا،ان کا کہنا تھا کہ ایوی ایشن اکیڈمی کا ٹرینر طیارہ اُچارپی کے ایک کھیت میں گر کر تباہ ہوا۔
افسر نے مزید کہا کہ پرائیوٹ ائیر کمپنی اور حکومت کی ٹیمیں موقع پر پہنچیں جہاں انہوں نے معاملے کی تحقیقات شروع کیں۔
ایک رپورٹ میں کہا گیا کہ بھارت ایف 35 خریدنا چاہ رہا ہے، ان سے تو تربیتی طیارے سنبھالے نہیں جارہے،رواں ماہ کی 7 تاریخ کو ایک ہی دن میں دو بھارتی طیارے گر کر تباہ ہوگئے جن میں ایک لڑاکا طیارہ تھا۔
تازہ ترین خبروں کے لیے پی این آئی کا فیس بک پیج فالو کریں