ابوظہبی کے یاس واٹرورلڈ نامی واٹر پارک میں جمعہ کی دوپہر تقریباً 2 بجے ایک خوفناک آگ بھڑک اٹھی تھی جس پرچند گھنٹے میں ہی قابو پا لیا گیا۔
غیر ملکی میڈیا کے مطابق ایک عینی شاہد نے بتایا کہ سیاہ دھواں فراری ورلڈ اور یاس مرینا سرکٹ کے علاقوں کے اوپر اٹھتا ہوا دیکھا گیا۔
رپورٹ کے مطابق ہنگامی بنیادوں پر امدادی عملے نے آگ پر قابو پالیا۔ ابوظہبی پولیس نے واٹر پارک کے آس پاس کی سڑکیں بند کر دیں اور یاس بے پر ٹریفک کو ری ڈائریکٹ کیا تاکہ فائر فائٹرز اور ایمرجنسی ٹیمیں جائے وقوعہ پر جلدی پہنچ جائیں۔
رپورٹ کے مطابق یاس واٹرورلڈ ابو ظہبی ائیرپورٹ کے قریب واقع ہے۔ابوظہبی پولیس نے سوشل میڈیا پر بتایا کہ انہوں نے آگ پر قابو پالیا اور کوئی جانی نقصان نہیں ہوا۔
زید بین الاقوامی ائیرپورٹ کسٹمر سروس ٹیم جو تھیم پارک سے تقریباً 12 کلومیٹر کے فاصلے پر ہے، انہوں نے بتایا کہ آگ لگنے کے باعث ان کا کام متاثر نہیں ہوا۔
تازہ ترین خبروں کے لیے پی این آئی کا فیس بک پیج فالو کریں
