طیارہ گر کر تباہ

واشنگٹن (پی این آئی) امریکی ریاست پنسلوانیا کے لانکاسٹر ایئرپورٹ کے قریب ایک چھوٹا طیارہ گر کر تباہ ہو گیا، جس کے نتیجے میں طیارے میں سوار پانچوں افراد شدید زخمی ہو گئے۔ فیڈرل ایوی ایشن ایڈمنسٹریشن (ایف اے اے) کے مطابق حادثے کی تحقیقات کی جائیں گی۔

نیوز 18 کے مطابق سنگل انجن والا بیچ کرافٹ بونینزا طیارہ مینہم ٹاؤن شپ کے علاقے بریدرن ولیج میں ایک پارکنگ لاٹ میں گر کر تباہ ہو گیا، جہاں موجود کئی گاڑیاں بھی جل گئیں۔ خوش قسمتی سے زمین پر موجود کسی شخص کے زخمی ہونے کی اطلاع نہیں ملی۔حادثے سے کچھ لمحے قبل پائلٹ اور ایئر ٹریفک کنٹرول کے درمیان ہونے والی گفتگو کی آڈیو بھی سامنے آئی ہے، جس میں پائلٹ نے طیارے کے دروازے کے کھلے ہونے اور تیز ہوا کے شور کی شکایت کی تھی۔ ایکس (سابقہ ​​ٹوئٹر) پر شیئر کی گئی آڈیو میں ایئر ٹریفک کنٹرولر کو کہتے سنا جا سکتا ہے:

عینی شاہد برائن پپکن جو حادثے کے وقت قریب ہی گاڑی چلا رہے تھے، نے بتایا “میں نے طیارے کو اوپر جاتے اور پھر بائیں جانب جھکتے دیکھا، اور پھر وہ ناک کے بل زمین پر آ گرا۔ جیسے ہی طیارہ گرا، فوری طور پر آگ کا ایک بڑا گولہ اٹھا۔ دھواں بہت زیادہ تھا اور آگ بجھانے میں کافی دشواری پیش آ رہی تھی۔”فی الحال پانچوں زخمیوں کو ہسپتال منتقل کر دیا گیا ہے، جہاں ان کا علاج جاری ہے۔ ایف اے اے اور دیگر متعلقہ ادارے حادثے کی وجوہات جاننے کے لیے تحقیقات کر رہے ہیں۔