“امریکہ فرسٹ” اور “میک امریکہ گریٹ اگین” جیسے نعروں کے سہارے الیکشن جیت کر دوسری مرتبہ واؤٹ ہاؤس پہنچنے والے صدر ڈونلڈ ٹرمپ جب سے آئے ہین کوئی دن ایسا نہین گزرتا کہ ان کی سبکی کے متعلق کوئی خبر سامنے نہ آئے، اب ان پر امریکہ میں مقدمہ درج ہو جانے کی خبر آئی ہے۔
امریکہ کے میڈیکل پروفیشنلز کی غیر سرکاری تنظیم ڈاکٹرز فار امریکہ نے صدر ڈونلڈ ٹرمپ پر سرکاری ویب سائٹس سے صحت عامہ سے متعلق ڈیٹا ہٹانے کی بنا پر مقدمہ درج کروا دیا ہے۔ڈاکٹرز فار امریکا (ڈی ایف اے) کی جانب سے پبلک سٹیزن لٹیگیشن گروپ نے امریکی صدر ڈونلڈ ٹرمپ کے خلاف مقدمہ دائر کیا ہے۔ یہ مقدمہ صدر کی جانب سے حال ہی میں سرکاری ویب سائٹس سے صحت عامہ سے متعلق ہیلتھ ڈیٹا ہٹانے پر قائم کیا گیا ہے۔
اس مقدمہ میں ڈاکٹرز فار امریکا (ڈی ایف اے) کی جانب سے پبلک سٹیزن لٹیگیشن گروپ نے آفس آف پرسنل مینجمنٹ، سینٹرز فار ڈیزیز کنٹرول اینڈ پریوینشن، فوڈ اینڈ ڈرگ ایڈمنسٹریشن اور محکمہ صحت اور ہیومن سروسز کو مدعا علیہ کے طور پر نامزد کیا ہے۔واشنگٹن میں امریکی ڈسٹرکٹ کورٹ میں دائر کیے گئے مقدمے میں کہا گیا ہے کہ ہیلتھ ویب پیجز اور ڈیٹا کو ہٹانے سے کسی بیماری کے پھیلنے کی نگرانی اور اس کو روکنے کے لئے موثر اقدام کرنے کے لیے دستیاب سائنسی ڈیٹا کی دستیابی کا خطرناک خلا پیدا ہوگیا ہے۔
ڈاکٹروں کا موقف ہے کہ اس اقدام سے ڈاکٹروں کو ایسے وسائل سے محروم کر دیا گیا ہے جو کلینیکل پریکٹس کی رہنمائی کرتے ہیں اور مریضوں کے ساتھ بات چیت اور مشغول ہونے کے کلیدی وسائل کی حیثیت رکھتے ہیں۔ ڈونلڈ ٹرمپ کے گزشتہ ماہ صدر امریکا کا دوسری بار حلف اٹھانے کے بعد کئی احکامات پر مختلف حلقوں کی جانب سے تشویش کا اظہار کیا جا رہا ہے اور ان فیصلوں کے خلاف عدالتوں سے رجوع کرنے کے اعلانات بھی سامنے آ رہے ہیں۔
تازہ ترین خبروں کے لیے پی این آئی کا فیس بک پیج فالو کریں
