یونان کے افسوسناک واقعہ کے بعد تیونس میں بھی تارکین وطن کی 2 کشتیاں ڈوبنے کے نتیجے میں 27 افراد جان کی بازی ہار گئے۔
غیر ملکی میڈیا رپورٹس کے مطابق افریقی ممالک سے تعلق رکھنے والے تارکین وطن کی کشتیاں تیونس کے شہر سیفکس کے قریب ڈوب گئیں جس کے نتیجے میں خواتین اور بچوں سمیت 24 افراد ہلاک ہوگئے جبکہ 83 افراد کو بچا لیا گیا۔
تیونس کے نیشنل گارڈ حکام کے مطابق 15 زخمی افراد کو طبی امداد کے لیے اسپتال منتقل کردیا گیا جبکہ ہلاک اور بچ جانے والوں کو کوسٹ گارڈ حکام کے حوالے کردیا گیا۔
واضح رہے کہ یورپ جانے کی کوشش کرنے والے تارکین وطن کے لیے اب تیونس نیا ہاٹ اسپاٹ ہے، تیونس میں اکثر غیر قانونی طور پر یورپ پہنچنے کی کوشش کرنے والے تارکین وطن کی کشتیوں کو حادثات پیش آتے ہیں، گزشتہ ماہ بھی حکام کو 2 مخلتف حادثات میں ڈوبنے والے 30 افراد کی لاشیں ملی تھیں۔
تازہ ترین خبروں کے لیے پی این آئی کا فیس بک پیج فالو کریں
