ٹرمپ کا امریکا جانے والوں کیلئے اہم اعلان

نومنتخب امریکی صدر ڈونلڈٹرمپ نے وکٹری سپیچ کرتے ہوئے کہاکہ سرحدوں کو سیل کرنا پڑے گا،امریکا میں جو بھی آئے گا وہ قانونی طور پرآئےگا۔

ٹرمپ نے فلوریڈا کے شہر پام بیچ میں حامیوں سے خطاب کرتے ہوئے کہاکہ ایک بار پھر منتخب کرنے پر عوام کا بہت شکریہ،حامیوں کا شکریہ آپ کے ووٹ کے بغیر کامیابی ممکن نہیں تھی،ہم نےآج تاریخ رقم کی ہے،یہ بہت بڑی سیاسی جیت ہے،ایسی سیاسی جیت اس سے پہلے کبھی نہیں دیکھی، ایسی کامیاب امریکی عوام نے پہلے کبھی نہیں دیکھی،ان کاکہناتھا کہ امریکا کےسنہری دور کاآغاز ہونے والا ہے،امریکا اب نئی بلندیوں پر پہنچے گا،ٹرمپ نے کہا کہ ملک کے تمام معاملات اب ٹھیک کرنے ہیں، امریکا کومحفوظ، مضبوط اور خوشحال بناؤں گا،ہم نے تمام مشکلات کو عبور کیا،ہر روز آپ کے حقوق کیلئے لڑوں گا،چیلنجز سے نمٹنے کیلئے اقدامات کریں گے۔

ٹرمپ کا مزید کہناتھا کہ امریکا کومضبوط بنانے تک چین سے نہیں بیٹھیں گے،میں کوئی جنگ شروع نہیں کروں گا بلکہ جنگوں کو ختم کروں گا،سینیٹ میں ہماری جیت غیرمعمولی ہے،امریکا نے مجھے طاقتور مینڈیٹ دیا ہے،جو وعدے کئےہیں انہیں پورا کروں گا، ہم ٹیکسوں میں کمی کرینگے ،قرضے ادا کریں گے،میں آپ کیلئے، آپ کے خاندان اور آپ کے مستقبل کیلئے ہرایک دن لڑوں گا۔نومنتخب امریکی صدر نے کہاکہ باقی کی سوئنگ سٹیٹ میں جیت کر 315الیکٹورل ووٹ حاصل کریں گے۔