ابوجا (پی این آئی)شمالی نائیجیریا میں تاریخی مسجد کی چھت گرنے سے 7 نمازی جاں بحق ہو گئے۔غیر ملکی میڈیا کے مطابق واقعہ ریاست کدونا کے شہر ثریا میں پیش آیا جہاں جمعے کی نماز کیلئے سینکڑوں نمازی مسجد میں موجود تھے۔
میڈیا رپورٹس کے مطابق یہ مسجد 1830 میں تعمیر کی گئی تھی جہاں گزشتہ روز نمازی جمع تھے کہ اچانک مسجد کی چھت کا ایک ٹکڑا ٹوٹ کر گر گیا جس سے متعدد نمازی ملبے تلے دب گئے۔ریسکیو اہلکاروں نے پہلے 4 اور پھر 3لاشیں ملبے سے نکالیں جبکہ 23 افراد کو طبی امداد کے لیے اسپتال منتقل کیا گیا۔دوسری جانب کدونا ریاست کے گورنر اوبا ثانی کی جانب سے نے واقعے کی فوری تحقیقات کا حکم دیا گیا ہے ساتھ ہی افسوسناک واقعے میں متاثرہ افراد کی امداد کا بھی اعلان کیا ہے۔
تازہ ترین خبروں کے لیے پی این آئی کا فیس بک پیج فالو کریں
