ماسکو (پی این آئی )روسی صدر ولادیمیر پوتن نے انکشاف کیا ہے کہ انہوں نے سوویت یونین کے زوال کے بعد اپنی گزر بسر کے لیے ٹیکسی چلائی تھی۔اے ایف پی کے مطابق سوویت یونین کا خاتمہ دراصل ’تاریخی روس‘ کا خاتمہ تھا۔سوویت یونین کی کے جی بی سیکیورٹی سروسز کے سابق ایجنٹ پوتن، جنہوں نے پہلے بھی سوویت یونین کے زوال پر افسوس کا اظہار کیا ہے، کہا کہ تیندہائیاں قبل ہونے والا زوال ’اکثر شہریوں‘ کے لیے ایک ’المیہ‘ ہے۔صدر پوتن کے یہ
تبصرے اتوار کو روس کی سرکاری خبر رساں ایجنسی آر آئی اے نووستی نے رپورٹکیے جو نشریاتی ادارے چینل ون کی آنے والی ایک فلم کے اقتباسات تھے، جسے ’روس۔ حالیہ تاریخ‘ کا نام دیا گیا ہے۔سوویت یونین کے وفادار سرکاری ملازم رہنے والے پوتن اس وقت مایوس ہو گئے جب اس کا انہدام ہوا۔ ایک موقعے پر انہوں نے سوویت یونین کے خاتمے کو ’20 ویں صدی کی سب سے بڑی جغرافیائی سیاسی تباہی‘ بھی قرار دیا۔پوتن سابق سوویت ممالک میں مغربی فوجی عزائم کی
توسیع کے بارے میں کافی حساس ہیں اور روس نے اس ہفتے نیٹو سے جارجیا اور یوکرین کے لیے اپنے دروازے کھولنے کے 2008 کے فیصلے کو باضابطہ طور پر ختم کرنے کا مطالبہ کیا۔دستاویزی فلم کے اقتباسات سے رپورٹنگ کرتے ہوئے آر آئی اے نوووستی نے کہا کہ پوتن نے انکشاف کیا ہے کہ وہ اپنی آمدنی بڑھانے کے لیے کبھی کبھار ٹیکسی ڈرائیور کے طور پر کام کرتے تھے۔پوتن نے کہا کہ بعض اوقات مجھے اضافی رقم کمانا پڑتی تھی۔میرا مطلب ہے ایک پرائیویٹ ڈرائیور کے طور پر گاڑی کے ذریعے اضافی پیسے کمائیں۔ ایماندار ہونے کے بارے میں بات کرنا ناخوشگوار ہے لیکن بدقسمتی سے ایسا ہی ہوا۔
تازہ ترین خبروں کے لیے پی این آئی کا فیس بک پیج فالو کریں
