کابل (پی این آئی) افغانستان میں نئی حکومت کو چیلنج کرنے والے سابق نائب صدر امراللہ صالح کی پھوٹ پھوٹ کر رونے کی ویڈیو جاری ہوگئی۔۔۔ پنج شیر پر طالبان کے کنٹرول کے بعد سے روپوش افغانستان کے سابق نائب صدر امراللہ صالح کی رونے کی ویڈیو سامنے آگئی۔سوشل میڈیا پر وائرل ویڈیو میں امراللہ صالح کو پھوٹ پھوٹ کر روتے ہوئے دیکھا جاسکتا ہے۔
اس ویڈیو کی آواز نہیں ہے جس کی وجہ سے پتہ نہیں لگ پایا کہ امراللہ صالح کیوں رو رہے ہیں۔بعض بھارتی صحافیوں کا کہنا ہے کہ امراللہ صالح اپنے بھائی روح اللہ عزیزی کی ہلاکت پر آبدیدہ ہیں۔ ان کے بھائی کو 9 ستمبر کو طالبان جنگجوؤں نے پنج شیر میں قتل کردیا تھا۔ وہ مزاحمتی قوتوں کے اہم کمانڈر تھے۔
’’افغانستان کے سابق نائب صدر اپنے بھائی کے قتل پر آبدیدہ‘‘
— sarfraz raja (@Sarfraz_Raja90) September 15, 2021
امراللہ صالح کے بھائی روح اللہ عزیزی کو 9 ستمبر کو طالبان نے پنج شیر سے گرفتار کرنے کے بعد قتل کردیا تھا، وہ طالبان کے خلاف پنج شیر میں مزاحمت کے اہم کمانڈر تھے۔ pic.twitter.com/EiltwIrPKn
تازہ ترین خبروں کے لیے پی این آئی کا فیس بک پیج فالو کریں
