کابل (پی این آئی)افغانستان کے دارالحکومت کابل پر قبضہ کرنے کے دو ہی دن بعد طالبان نے سارے ملک میں عام معافی کا اعلان کر دیا ہے۔میڈیارپورٹس کے مطابق اس اعلان کا ایک بڑا مقصد سرکاری ملازمین کی دفاتر میں واپسی قرار دیا گیا ہے۔ طالبان نے ایک بیان میں کہا کہ عام معافی اس لیے دی گئی ہے تاکہ سب لوگ اپنی معمول کی زندگی پھر سے شروع کر سکیں۔ دوسری جانب کابل کے ہوائی اڈے سے غیر ملکی سفارت کاروں اور شہریوں کے انخلا کا سلسلہ بحال ہو گیا ہے۔ گزشتہ روز اس کی معطلی کی وجہ رن وے پر ہزاروں افراد کا پہنچنا بنی تھی۔ ایئر پورٹ کی سکیورٹی نے رن وے کو خالی کرا لیا ہے۔دوسری جانب افغانستان پر طالبان کے قبضے کے بعد بھارت نے کابل میں اپنا سفارتخانہ خالی کرنے اور سفیرسمیت عملے کو واپس بلانے کا اعلان کردیا،بھارتی طیارہ 120 افراد کو لے کر کابل سے نئی دہلی روانہ ہوگیا۔میڈیارپورٹس کے مطابق بھارتی وزارت خارجہ نے بتایاکہ افغانستان کی صورتحال کا بغور جائزہ لے رہے ہیں۔ بھارتی فضائیہ کا سی 17 طیارہ کابل ایئر پورٹ سے 120 بھارتی شہریوں کو لے کر دہلی روانہ ہوگیا۔ طیارہ امریکی افواج کی طرف سے فراہم کردہ سیکورٹی کے حصار میں بھارتی شہریوں کو لیکر کابل ایئر پورٹ سے روانہ ہوگیا۔بھارتی شہری افغانستان کے مختلف حصوں میں پھنسے ہوئے تھے اور انہیں کابل ایئر پورٹ پر لایا گیا تھا۔بھارتی وزارت داخلہ نے کہا کہ وہ افغانستان کی موجودہ صورت حال کے پیش نظر افغانستان میں پھنسے بھارتی شہریوں کی واپسی کے لیے الیکٹرانک ویزا متعارف کرا رہا ہے جس سے وزا درخواستوں کو تیزی سے نماٹایا جائے گا۔
تازہ ترین خبروں کے لیے پی این آئی کا فیس بک پیج فالو کریں
