لاس اینجلس (پی این آئی) عالمی شہرت یافتہ مائیکرو سافٹ کمپنی کے بانی اور امریکی ارب پتی بل گیٹس اور ان کی اہلیہ میلنڈا گیٹس نے ٹویٹر پر کیے جانے والے اعلان میںکہا ہے کہ وہ دونوںشادی کے ستائیس سال بعدالگ ہو ر ہے ہیں۔ٹویٹر پیغام میںان کا کہنا تھا کہ ہمیں یقین نہیں ہے کہ اب ہم ایک جوڑے کی حیثیت سے ایک ساتھ چل سکتے ہیں۔بل گیٹس اور ان کی اہلیہ میلنڈا گیٹس نے ٹوئٹر پر لکھا کہ اس معاملے پربہت سوچنے اور اپنے تعلقات پر بہت کام کرنے کے بعد شادی ختم کرنے کا فیصلہ کیا ہے۔انہوں نے مزید لکھا کہ ہم نے تین بچوں کی پرو رش کی اور ایک ایسی فاونڈیشن بنائی جو پور ی دنیا میں کام کرتی ہے تاکہ تمام لوگوں کو صحت مند اور کارآمد زندگی گزارنے کے قابل بنایا جا سکے۔بل گیٹس اور میلنڈا گیٹس کی ملاقات 1980 کی دہائی میں اس وقت ہوئی تھی جب میلنڈا نے بل گیٹس کی مائیکرو سافٹ فرم میں ملازمت اختیار کی تھی ، ان کے تین بچے ہیں۔۔۔۔۔۔
سعودی عرب جانیوالوں کیلئے بڑی خبر آگئی، سرحدیں کب کھولی جائیں گی؟ سعودی حکام کا اہم اعلان
ریاض(پی این آئی)سعودی وزارت داخلہ نے کہا ہے کہ ’ پیر 17 مئی 2021 سے سعودی عرب کے ایئر پورٹس، بندرگاہیں اور بری سرحدی چوکیاں شہریوں کےلیے کھول دی جائیں گی۔ عمل درآمد اتوار اور پیر کی درمیانی شب ایک بجے سے ہوگا‘۔ سعودی خبررساں ادارے ایس پی اے کے مطابق وزارت داخلہ نے کہا ہے کہ’ 17 مئی سے سعودی شہریوں کے بیرون مملکت سفر پر عائد پابندی ختم کردی گئی ہے‘۔ بیان میں مزید کہا گیا کہ’ ان افراد کو سفر کی اجازت دی گئی ہے جنہوں نے ویکسین کی دو خوراکیں لگوائیں یا سفر سے کم از کم دو ہفتے قبل ایک خوراک لگوائی یا وہ جو گزشتہ چھ مہینے کے دوران کورونا سے صحتیاب ہوئے یا جن کی عمر 18 سال سے کم ہے‘۔یاد رہے کہ کورونا وائرس کے کیسز میں مسلسل اضافے کے پیش نظر ایئرپورٹس، بندرگاہوں اور بری سرحدی چوکیوں سے آمد و رفت کے حوالے سے مکمل سفری پابندیوں کے خاتمے کی تاریخ میں توسیع کی گئی تھی۔ وزارت داخلہ نے کہا تھا کہ 31 مارچ کے بجائے17 مئی 2021 سے سفری پابندیاں ختم کی جائیں گی‘۔بیان میں وزارت داخلہ کے عہدیدار نے کہا کہ ’29 جنوری 2021 کو کہا گیا تھا کہ 17 مئی 2021 سے بری سرحدی چوکیاں، بندرگاہیں اور ایئر پورٹس کھول دیے جائیں گے اور سعودی شہریوں پر بیرون مملکت سفر پرعائد پابندی اٹھالی جائے گی‘۔ ’سعودی صحت حکام کی رپورٹ پر 17 مئی 2021 سے شہریوں کے سفر پر عائد پابندی اٹھانے کی منظوری دی گئی ہے اس سے جو زمرے پابندی سے مستفیض ہوں گے ان کی بیان میں تفصیلات دی گئی ہیں‘۔وہ سعودی شہری جو کووڈ 19 ویکسین کی دونوں خوراکیں لے چکے ہوں۔ اسی طرح وہ شہری جو ویکسین کی ایک خوراک لے چکے ہوں اور پہلی خوراک پر 14 دن گزر چکے ہوں اور توکلنا ایپ پر یہ ریکارڈ آرہا ہو۔سعودی عرب واپسی پر سات دن ہاؤس آئسولیشن کی پابندی کرنا ہوگی۔ علاوہ ازیں آئسولیشن کے آخر میں پی سی آر ٹیسٹ رپورٹ بھی دینا ہوگی- پی سی آر ٹیسٹ سے 8 سال سے کم عمر کے بچے مستثنی ہوں گے۔اس سہولت کے تحت وہ سعودی شہری بھی سفر کرسکیں گے جو کورونا وائرس سے صحت یاب ہوچکے ہوں۔ اٹھارہ برس کے شہریوں کو اس کے تحت سفر کی مشروط اجازت ہوگی ۔ سفر سے قبل سعودی سینٹرل بینک ساما سے منظور شدہ ہیلتھ انشورنس کرانا ہوگی، اس میں بیرون مملکت کووڈ 19 کا علاج شامل ہو۔یہ لوگ سعودی عرب واپس ہوں گے تو انہیں سات دن ہاؤس آئسولیشن میں رہنا ہوگا۔ آئسولیشن کی میعاد مکمل ہونے پر پی سی آر ٹیسٹ کرانا ہوگا اس سے 8 سال کے بچے مستثنی ہوں گے۔وزارت داخلہ کے عہدیدار نے ہدایت کی کہ تمام لوگ کورونا ایس او پیز اور وبا سے بچاؤ کی تدابیر کی سختی سے پابندی کریں۔صحت ضوابط پر عمل درآمد میں لاپروائی نہ برتیں۔ سماجی فاصلے کی پابندی کریں۔ ماسک پہنیں اور ہاتھ پابندی سے دھوتے رہیں۔وزارت داخلہ کے عہدیدار نے کہا کہ کورونا سے متعلق سفری ایس او پیز کاجائزہ اور نظر ثانی کا سلسہ متعلقہ ادارے جاری رکھیں گے۔ وزارت داخلہ نے مسافروں کو تاکید کی کہ وہ دیگر ممالک کی مقرر کردہ پابندیوں کا خیال کریں تاکہ کسی دشواری میں نہ پڑیں۔ انتہائی متاثرہ ممالک کا سفر کرتے وقت تمام ضروری تدابیر کرلیں۔
تازہ ترین خبروں کے لیے پی این آئی کا فیس بک پیج فالو کریں
