کرپشن ثابت ہو گئی، سابق صدرکو تین سال قید کی سزاسنا دی گئی

پیرس (آن لائن )فرانس کے سابق صدر نکولس سرکوزی کو کرپشن ثابت ہونے پر 3 سال قید کی سزا سنادی گئی۔ غیرملکی خبر ایجنسی کے مطابق سابق صدر سرکوزی پر اختیارات کے ناجائز استعمال کا بھی الزام تھا۔ سابق صدر کی 3 سال قید کی مدت میں سے 2 سال کو معطل کردیا گیا ہے۔ فیصلے کے مطابق سرکوزی ایک

سال کی سزا گھر پر نظر بند ہو کر پوری کر سکتے ہیں۔ سابق صدر نکولس سرکوزی 2007 سے 2012 تک فرانس کے صدر رہے تھے۔ سابق وزیرخزانہ کو کرپشن کے جرم میں قید کی سزا سنا کر جیل بھجوا دیا گیا ویانا(پی این آئی) یورپی ملک آسٹریا کے سابق وزیرخزانہ کیرل ہینز گریسر کو کرپشن کے جرم میں قید کی سزا سنا کر جیل بھجوا دیا گیا۔ میل آن لائن کے مطابق 51سالہ کیرل ہینز پر الزام عائد کیا گیا تھا کہ وہ اس گینگ کا حصہ رہے ہیں جو پراپرٹی کی نیلامی میں مخصوص بولی دہندگان کی مدد کرکے ان سے بھاری رشوت لیتے رہے اور خزانے کو اربوں روپے کا نقصان پہنچایا۔ یہ الزام ثابت ہونے پر کیرل کو 8ماہ قید کی سزا سنائی گئی ہے۔ویانا کریمنل کورٹ نے اپنے فیصلے میں بتایا کہ ”کیرل کا اس گینگ کا حصہ ہونا ثابت ہو گیا ہے جس نے 2004ءمیں 86کروڑ 80لاکھ پاؤنڈ مالیت کے سرکاری اپارٹمنٹس کی نیلامی میں گھپلے کیے اور من پسند لوگوں کو بولی میں مدد دے کر ان سے رشوت لی۔“ کیرل کے خلاف یہ مقدمہ 3سال سے چل رہا تھا۔ واضح رہے کہ آسٹریا میں کرپشن کے خلاف دوسری جنگ عظیم کے بعد یہ سب سے بڑا مقدمہ چل رہا ہے جس میں اب تک کئی لوگوں کو سزا سنائی جا چکی ہے۔