کورونا سے متاثرہ بچے کو جہازمیں سوار ہونے سے روک دیاگیا

واشنگٹن(شِنہوا)امریکہ میں میری لینڈ کی ریاستی پولیس نے تھینکس گیونگ ایو کے موقع پر کرونا وائرس سے متاثرہ ایک بچے کو جہاز پر سوار ہونے سے چند منٹ قبل ہی روک لیا۔ریاستی پولیس کے سارجنٹ ٹریوس نیلسن نے بتایا کہ 9 سالہ لڑکے نے ویکومیکو کانٹی میں نوول کرونا وائرس کا مثبت تجربہ کیا تھا اور مقامی

محکمہ صحت اطلاع دینے کیلئے اس کی ماں تک رسائی حاصل نہیں کر سکا تھا۔نیلسن نے بتایا کہ پولیس حکام سے 24 نومبر کو رابطہ کیا گیا اور وہ دونوں 1 گھنٹہ اور 15 منٹ میں بالٹی مور ۔ واشنگٹن بین الاقوامی تھورگڈ ہوائی اڈے سے پورٹو ریکو کیلئے پرواز کا ارادہ رکھتے ہیں۔نیلسن نے بتایا کہ پولیس نے انہیں ایئرپورٹ پر روک لیا اور محکمہ صحت ویکومیکو سے رابطہ کرنے میں ان کی مدد کی، انہوں نے مزید کہا کہ ماں اور اسکا بیٹا خود کو قرنطینہ میں رکھنے کیلئے گھر واپس آ گئے ہیں۔جانز ہوپکنز یونیورسٹی کے مطابق امریکہ کی مشرقی ریاست میں 2 لاکھ 5 ہزار سے زائد افراد نوول کرونا وائرس سے متاثر ہو چکے ہیں اور مجموعی طور پر 4 ہزار 764 افراد وائرس سے مر چکے ہیں۔۔۔۔