بھارتی سفارت کاروں کا منصوبہ ناکام ، بھارتی ناظم الامور نےبھارتی جاسوس کو پاگل قرار دیا تھا میں ہشاش بشاش، تندرست اور دماغی طور پر مکمل حاضر ہوں،کلبھوشن کا بھارتی ناظم الامور کو جواب

اسلام آباد(آئی این پی) بھارتی جاسوس کلبھوشن یادیو سے متعلق سفارتی ذرائع نے انکشاف کیا ہے کہ رواں برس 16جولائی کو انھوں نے بھارتی سفارت کاروں کا ایک گھنائونا منصوبہ ناکام بنا دیا تھا۔نجی ٹی وی کے مطابق بھارتی جاسوس کلبھوشن یادیو کو 16جولائی کو قونصلر رسائی دی گئی تھی، اب سفارتی ذرائع نے

انکشاف کیا ہے کہ بھارتی ناظم الامور نے اس دن قونصلر رسائی کو سبوتاژ کرنے کا منصوبہ بنا لیا تھا، تاہم خود کلبھوشن نے یہ گھنائونا منصوبہ ناکام بنا دیا تھا۔سفارتی ذرائع کا کہنا ہے کہ ملاقات کے دوران بھارتی ناظم الامور گوروو آہلووالیا نے کلبھوشن یادیو سے تلخ کلامی کی، بھارتی ناظم الامور نے کلبھوشن کو دیکھتے ہی دماغی طور پر غیر حاضر اور پاگل قرار دے دیا تھا۔جواب میں کلبھوشن نے غصے میں بھارتی ناظم الامور کو کھری کھری سنا دی تھی، کلبھوشن نے کہا کہ آپ نیوی کے ایک سینئر کمیشن افسر کو پاگل اور دماغی غیر حاضر کیسے کہہ سکتے ہیں، میں ہشاش بشاش، تندرست اور دماغی طور پر مکمل حاضر ہوں،ذرائع کے مطابق 16جولائی کو بھارتی ہائی کمیشن کے صرف ایک سفارت کار کو ملاقات کی اجازت دی گئی تھی لیکن بھارتی ناظم االامور کے اصرار پر 2 سفارت کاروں کو ملاقات کرائی گئی۔کلبھوشن کا پاکستانی اعلی حکام سے بھی مکالمہ ہوا تھا، بھارتی جاسوس نے دریافت کیا تھا کہ کیا میں پاکستان میں بھی بہت مشہور ہوں؟۔۔۔