کورونا پابندیوں کے خلاف مظاہرے شروع ہو گئے، نہ مساک لگائیں گے، نہ فاصلہ رکھیں گے، شہریوں کا احتجاج

لندن(پی این آئی)برطانیہ میں کرونا پابندیوں کے خلاف مظاہرے شروع ہو گئے ہیں۔برطانوی میڈیا کے مطابق شہریوں نے علی الاعلان کرونا ایس او پیز کی خلاف ورزی شروع کر دی، اس سلسلے میں مظاہرے بھی ہونے لگے ہیں، جن میں مظاہرین نے کہا ہے کہ وہ ماسک نہیں لگائیں گے اور نہ ہی فاصلہ رکھیں گے۔رپورٹس کے

مطابق ایسا ہی ایک مظاہرہ برطانیہ کے دارالحکومت لندن میں کیا گیا ہے جو کرونا کی روک تھام کے لیے نافذ ایس او پیز کے خلاف تھا، جس میں لندن کے عوام نے کرونا کے پھیلاؤ کے پیش نظر حکومت کے سخت اقدامات کو مسترد کیا۔واضح رہے کہ کرونا پابندیوں کے خلاف لندن میں مظاہرے ایسے حالات میں ہوئے ہیں جب برطانوی عوام کی اکثریت کرونا کی روک تھام کے لیے حکومت کے طریقہ کار سے خوش نہیں۔دوسری طرف کرونا وبا اور پابندیوں کی وجہ سے برطانوی معیشت کو بھی سخت چیلنجز کا سامنا ہے، روزگار کے بہت سے مواقع بھی ختم ہو چکے ہیں۔واضح رہے کہ برطانیہ کرونا وائرس کیسز کی تعداد کے لحاظ سے دنیا بھر کے ممالک میں گیارھویں نمبر پر براجمان ملک ہے، جہاں کیسز کی تعداد 7 لاکھ 22 ہزار سے زائد ہے، اور اب تک کرونا وائرس انفیکشن سے 43 ہزار 600 افراد ہلاک ہو چکے ہیں۔۔۔۔۔۔۔۔۔۔۔۔۔۔