واشنگٹن(پی این آئی)امریکی عدالت نے ٹرمپ کے حکم کو مسترد کرتے ہوئے ٹک ٹاک ایپ امریکہ میں بحال کرنے کی اجازت دے دی، ٹرمپ انتظامیہ کی جانب سے امریکی ایپ اسٹور سے نئے ٹک ٹاک ڈاؤن لوڈز پر پابندی کے حکم کو امریکا کی عدالت نے کالعدم قرار دے دیا ہے۔واشنگٹن کی ایک عدالت کی جانب سے
امریکی ایپ اسٹور سے نئے ٹک ٹاک ڈاؤن لوڈز پر پابندی کے حکم کو کالعدم قرار دیتے ہوئے 12 نومبر سے ٹک ٹاک کے استعمال پر پابندی کے حکم نامے کو معطل کرنے کی درخواست کو بھی مسترد کر دیا گیا ہے۔امریکی عدالت کے جج نے اپنے ابتدائی حکم میں ٹک ٹاک کی مالک کمپنی بائٹ ڈانس کی طرف سے دائر کر دہ درخواست پر اس ویڈیو ایپ کو فی الحال دستیاب رکھنے کی اجازت دی ہے۔ٹک ٹاک پر زیادہ سخت پابندی امریکی صدارتی انتخابات کے ایک ہفتے بعد نومبر میں عائد کرنے کی تجویز دی گئی ہے، جج نے اس پابندی کو معطل کرنے کی کمپنی کی درخواست کو قبول نہیں کیا ہے۔
تازہ ترین خبروں کے لیے پی این آئی کا فیس بک پیج فالو کریں
