کورونا ویکسین نومبر میں امریکہ کے صدارتی انتخاب سے پہلے مارکیٹ میں آ سکتی ہے، کورونا سے کتنے کروڑ لوگ غربت کا شکار ہو جائیں گے؟

واشنگٹن(پی این آئی)امریکی صدر ڈونلڈ ٹرمپ نے کورونا ویکسین امریکا کے نومبر میں ہونے والے صدارتی الیکشن سے پہلے آنے کا امکان ظاہر کر دیا۔امریکی ریڈیو کو انٹرویو میں صدر ڈونلڈ ٹرمپ نے کہا کہ امریکا رواں برس کے آخر تک نومبر سے پہلے کورونا ویکسین بنا لے گا، کورونا وائرس کی ویکسین نومبر کے

صدارتی انتخابات سے پہلے آسکتی ہے۔دوسری جانب بین الاقوامی جریدے فارن افیئرز نے اپنی رپورٹ میں کہا ہے کہ کورونا وبا کے باعث عالمی معیشت کو پہنچنے والا نقصان ہمہ گیر نوعیت کا ہے اور اس سے چھٹکارا آسان نہیں ہو گا۔رپورٹ میں کہا گیا ہے کہ 2008 کا عالمی معاشی بحران بنیادی طور پر بینکاری نظام کا بحران تھا جس میں دنیا کی 11 بڑی معیشتیں مبتلا ہوئیں لیکن کورونا کی وبا پوری دنیا میں پھیلی ہے، اس پر قابو پا بھی لیا گیا تو اس کے بعد معاشی بحالی اتنی تیز نہیں رہے گی جیسے پچھلے معاشی بحرانوں کے بعد ہوا کرتی تھی۔ رپورٹ میں عالمی بینک کی رپورٹ کا بھی حوالہ دیا گیا جس میں کہا گیا ہے کہ کورونا کے باعث دنیا بھر میں 6 کروڑ افراد سنگین غربت کا شکار ہو جائیں گے۔