روم(پی این آئی)دنیا بھر کے سیاحوں کی جنت کہلانے والے یورپی ملک اٹلی نے امریکی سیاحوں کا داخلہ بند کر دیا۔اٹلی نے کورونا کی وجہ سے بند سرحدیں کھولنے کے بعد 11 امریکی سیاحوں کو ملک میں داخل ہونے سے روک دیا، امریکی سیاح یکم جولائی کو نجی طیارے سےاٹلی پہنچے تھے۔اٹلی کا یہ اقدام اس فیصلے کا
نتیجہ ہے جس میں یورپی یونین نے یکم جولائی کو کچھ ملکوں کے شہریوں کو یورپی ملکوں میں داخلے کی اجازت دی تھی، اس فہرست میں امریکا شامل نہیں ہے۔ذرائع کے مطابق روکے گئے 11 سیاحوں میں سے 5 امریکی شہری ہیں جنھیں بعد میں بھی اٹلی میں داخلے کی اجازت نہیں ملی جبکہ دیگر 6 سیاحوں کو اٹلی کے دیگر علاقوں میں جانے سے قبل دو ہفتے کیلئے قرنطینہ سینٹر منتقل کردیا گیا ہے۔۔۔۔۔۔۔۔۔۔۔۔۔۔۔۔۔۔۔۔
تازہ ترین خبروں کے لیے پی این آئی کا فیس بک پیج فالو کریں
