کورونا کمزور پڑ رہا ہے، ممکن ہے کہ یہ اپنی موت آپ مر جائے، ویکسین کی ضرورت نہ پڑے، اٹلی کے ماہر نے چونکا دینے والا انکشاف کر دیا

روم (پی این آئی) کورونا کمزور پڑ رہا ہے، ممکن ہے کہ یہ اپنی موت آپ مر جائے، ویکسین کی ضرورت نہ پڑے، اٹلی کے ماہر نے چونکا دینے والا انکشاف کر دیا، غیر ملکی میڈیا کی رپورٹ کے مطابق، ڈاکٹر میٹیو بسیٹی سان مارٹینو اسپتال میں کام کرتے ہیں۔ انہوں نے کہا کہ ممکن ہے کہ سماجی فاصلے کی حکمت عملی

کی وجہ سے وائرس جینیاتی طور پر تبدیل ہو کر اب کمزور پڑ گیا ہے۔ ان کا کہنا ہے کہ وائرس میں اب زیادہ جان باقی نہیں رہی اور اس کی ممکنہ وجہ اس مسلسل ہونے والی جینیاتی تبدیلیاں ہو سکتی ہیں۔ انہوں نے کہا کہ میری رائے کے مطابق، وائرس کی تیزی آہستہ آہستہ کمزور پڑ گئی ہے۔ انہوں نے کہا کہ مارچ اور اپریل میں ہلاکتوں اور متاثرین کے نمونے بالکل مختلف تھے، لوگ جب ایمرجنسی وارڈز میں آ رہے تھے تو انہیں سنبھالنا مشکل ہو رہا تھا کیونکہ انہیں آکسیجن کی سخت ضرورت تھی، کچھ کو نمونیا بھی ہوگیا تھا۔ لیکن گزشتہ ماہ سے صورتحال تبدیل ہوگئی ہے، مارچ میں وائرس ایک جارحانہ شیر جیسا تھا لیکن اب یہ جنگلی بلی جیسا ہوگیا ہے، صورتحال یہ ہے کہ ماضی کے برعکس 80؍ اور 90؍ سال تک کے بوڑھے افراد بھی اب بیڈ پر لیٹنے کی بجائے کرسی پر بیٹھ کر بغیر کسی مدد کے سانس لے رہے ہیں۔