ریاض(پی این آئی):سعودی عرب میں شدید بارشں، 2 شہری سیلابی ریلے میں ہلاک، پانی کے شدید ریلے میں کئی گاڑیاں بہہ گئیں،سعودی عرب کے عسیر ریجن میں موسلا دھار بارش کے نتیجے میں 2 افراد سیلابی ریلے میں بہہ کر ہلاک ہو گئے۔سعودی عرب کے محکمہ شہری دفاع کے مطابق عسیر ریجن میں شدید بارش
کے باعث سیلابی کیفیت پیدا ہو گئی اور کئی گاڑیاں بھی بہہ گئیں۔سعودی حکام کے مطابق عسیرریجن میں سیلابی ریلے میں گاڑی میں پھنسے 4 افرادکو بچا لیا گیا ہے۔مکہ ریجن میں بھی گرد وغبار کے طوفان کے باعث 4 کمشنریوں جدہ، قنفذہ، رابغ اور اللیث میں گرد آلود ہوائیں چل رہی ہیں جب کہ مدینہ منورہ کمشنری الوادی الفرع میں بارش کے بعد سیلابی ریلے بہنا شروع ہو گئے ہیں۔
تازہ ترین خبروں کے لیے پی این آئی کا فیس بک پیج فالو کریں
