کورونا وائرس بنانا کسی لیبارٹری کے بس کی بات ہی نہیں تھی مہلک وائس کیسے وجود میں آیا؟ عالمی ادارہ صحت نے شواہد کو مدنظرر کھتےہوئے بڑا دعویٰ کر دیا

جنیوا (پی این آئی) عالمی ادارہ صحت نے شواہد کی بنیاد پرکورونا وائرس کو قدرتی قرار دیا۔ حقائق ثابت کرتے ہیں کہ وائرس جانور سے منتقل ہوا ہے، ممکنہ طور پرچمگادڑ وائرس کا ماخذ ہے۔ تفصیلات کے مطابق عالمی ادارہ صحت کی ترجمان فدیلا صیب نے کہا کہ حالیہ عرصے میں میڈیا پر نوول کورونا وائرس کے

ماخذ کے بارے میں افواہیں پھیل رہی ہیں۔عالمی ادارہ صحت کے مطابق شواہد واضح کرتے ہیں کہ یہ وائرس لیبارٹری کی پیداوار نہیں بلکہ قدرتی ہے۔عالمی ادارہ صحت کی ترجمان نے میڈیا بریفنگ کے دوران کہا کہ عالمی برادری کو اس وقت وباء کے ساتھ ساتھ افواہوں کا چیلنج بھی درپیش ہے۔ ان کے مطابق حالیہ دنوں میڈیا میں نوول کورونا وائرس کے ماخذ کے بارے میں بے شمار افواہوں کا پھیلنا انتہائی مضحکہ خیز ہے۔انہوں نے کہا کہ موجودہ حقائق ثابت کرتے ہیں کہ وائرس جانور سے منتقل ہوا ہے، ممکنہ طور پرچمگادڑ وائرس کا ماخذ ہے اور یہ وائرس کیسے انسان میں منتقل ہوا ، اس کی تحقیق جاری ہے۔انہوں نے کہا کہ چمگادڑ اور انسان کے درمیان ایک اور جاندار بھی ہو سکتا ہے جو وائرس کی منتقلی کا سبب ہے۔دنیا بھر میں محققین اس حوالے سے تحقیق میں مصروف ہیں۔

WHO spokesperson Fadela Chaib said that “all available evidence suggests the virus has an animal origin and is not manipulated or constructed in a lab or somewhere else." #COVID19https://t.co/7PQIcR65G2

— Twitter Moments (@TwitterMoments) April 21, 2020