بیجنگ (پی این آئی) چین کی وزارت خارجہ نے ووہان میں کورونا وائرس سے مرنے والے افراد کی تعداد میں نقائص تسلیم کرتے ہوئے نئے اعدادوشمار جاری کردیے.چین کی جانب سے اعتراف کیا گیا ہے کہ ووہان میں مزید 1290 افراد کورونا کی وجہ سے ہلاک ہوئے تھے لیکن پہلے انہیں کورونا سے مرنے والوں میں شمار
نہیں کیا گیا تھا.چین کے اس اعتراف کے بعد کرونا وائرس سے ووہان میں مرنے والوں کی تعداد 2579 اور ملک بھر میں ہلاکتوں کی مجموعی تعداد 4632 ہو گئی ہے۔چین کے دفترِ خارجہ کے ترجمان نے اُن دعووں کو مسترد کیا ہے جن میں چین پر ہلاکتیں چھپانے کا الزام عائد کیا جا رہا تھا. انہوں نے وضاحت کی ہے کہ چین نے ہلاکتوں کی تعداد چھپانے کی کوشش نہیں کی۔
تازہ ترین خبروں کے لیے پی این آئی کا فیس بک پیج فالو کریں
