لاہور میں سردی بڑھنے کے ساتھ آلودگی کی مجموعی شرح میں کمی ریکارڈ کی گئی ہے۔ شہر میں ایئر کوالٹی انڈیکس 191 رہا جبکہ ماہرین کے مطابق لاہور دنیا کے آلودہ ترین شہروں میں ساتویں نمبر پر آ گیا ہے۔ شہر کے مختلف علاقوں میں آلودگی کی سطح 400 سے بھی تجاوز کر گئی۔
برکی روڈ پر ایئر کوالٹی انڈیکس 463، سول سیکرٹریٹ میں 415، کینٹ میں 390 اور عسکری 10 میں 232 ریکارڈ کیا گیا۔ سی ای آر پی آفس میں 204 جبکہ ڈی ایچ اے میں آلودگی کی شرح 171 رہی۔
شہر کا موجودہ درجہ حرارت 12 ڈگری سینٹی گریڈ ریکارڈ کیا گیا جبکہ کم سے کم درجہ حرارت 8 اور زیادہ سے زیادہ 21 ڈگری تک رہنے کا امکان ہے۔ محکمۂ موسمیات کے مطابق ہواؤں کی رفتار 2 کلومیٹر فی گھنٹہ ریکارڈ کی گئی اور آئندہ 24 گھنٹوں میں بارش کا کوئی امکان نہیں۔
تازہ ترین خبروں کے لیے پی این آئی کا فیس بک پیج فالو کریں
