محکمۂ موسمیات کی تازہ رپورٹ کے مطابق ملک کے بیشتر علاقے خشک موسم کے زیرِ اثر رہیں گے، جبکہ بالائی اور پہاڑی علاقوں میں شدید سردی برقرار رہنے کا امکان ہے۔ پنجاب کے میدانی حصوں میں سموگ اور بعض مقامات پر ہلکی دھند بھی متوقع ہے۔
اتوار کے روز اسلام آباد اور گردونواح میں موسم خشک رہے گا اور صبح و رات کے اوقات میں خنکی میں اضافہ ہوگا۔ خیبرپختونخوا کے زیادہ تر اضلاع میں بھی موسم خشک رہنے کی پیشگوئی کی گئی ہے، جبکہ پہاڑی علاقوں میں سردی کی شدت برقرار رہے گی۔
پنجاب کے زیادہ تر علاقوں میں خشک موسم رہے گا۔ مری، گلیات اور قریبی علاقوں میں سردی اور خشکی برقرار رہنے کا امکان ہے۔ صوبے کے میدانی علاقوں میں سموگ کا خدشہ ہے جبکہ صبح اور رات کے وقت بعض مقامات پر ہلکی دھند پڑ سکتی ہے۔
بلوچستان کے بیشتر اضلاع میں بھی موسم خشک رہے گا اور شمالی حصوں میں سردی کی شدت زیادہ رہے گی۔ سندھ کے تمام اضلاع میں بھی خشک موسم کی پیشگوئی کی گئی ہے۔
کشمیر اور گلگت بلتستان میں موسم سرد اور خشک رہے گا، جبکہ بالائی علاقوں میں صبح اور رات کے وقت شدید سردی برقرار رہنے کی توقع ہے۔
تازہ ترین خبروں کے لیے پی این آئی کا فیس بک پیج فالو کریں
