محکمہ موسمیات نے پیش گوئی کی ہے کہ کراچی میں آئندہ تین روز کے دوران درجہ حرارت میں معمولی اضافہ متوقع ہے۔
رپورٹ کے مطابق بحیرہ عرب میں موجود ڈپریشن نے گزشتہ 24 گھنٹوں کے دوران شمال مشرق کی سمت میں پیش رفت کی ہے۔ یہ سسٹم کراچی سے تقریباً 712 کلومیٹر اور بھارتی ریاست گجرات سے 330 کلومیٹر کے فاصلے پر موجود ہے، تاہم پاکستان کے کسی ساحلی علاقے کو اس سے کوئی خطرہ نہیں۔
محکمہ موسمیات کا کہنا ہے کہ اگلے 24 گھنٹوں میں یہ سسٹم کمزور پڑنے کا امکان ہے، جس کے بعد کراچی سمیت سندھ کی ساحلی پٹی پر تیز ہواؤں کی شدت میں مزید کمی واقع ہوگی۔ شمال مشرق سے چلنے والی ہواؤں کی رفتار 10 سے 15 کلومیٹر فی گھنٹہ رہنے کا امکان ظاہر کیا گیا ہے۔
تازہ ترین خبروں کے لیے پی این آئی کا فیس بک پیج فالو کریں
